Заримдаа амьдралын буруу хэвшлээс болоод, наснаасаа овортой харагдах, цаашлаад хөгшрөлт хурдасдаг шүү дээ. Гэтэл үеийнхнээсээ хамаагүй залуу харагддаг олон бүсгүйчүүд байдаг. Мэдээж сайн унтаж амрах, стрессгүй амьдрах нь үүнд нөлөөлдөг ч, хоол хүнс хамгийн чухал. Тэгвэл доор 11 хүнсийг өдөр тутмын амьдралдаа хэрэглэж заншсанаар хүссэндээ хүрэхэд тун ойртоно шүү. 

1. Оливийн тос

Extra Virgin Olive Oil ийм тэмдэглэгээтэй сайн чанарын тосыг нь сонгож хэрэглэнэ. Энэ нь цусны даралтыг бууруулж, зүрхний өвчин тусах эрсдэлийг багасгаж, бодисын солилцооны синдромоос урьдчилан сэргийлэхэд тусалдаг ба хорт хавдрын эсрэг үр дүнтэй. Мөн таны арьсыг залуугаар нь хадгалахад тун хувь нэмэртэй. Нэмж дурдахад, оливийн тосны бараг 73% нь ханаагүй өөх тос агуулдаг тул арьсны уян хатан байдал, бат бөх чанарыг нэмэгдүүлдэг.

2. Ногоон цай

Ногоон цай нь антиоксидант ихтэй тул чөлөөт радикалаас хамгаалж чаддаг. Ногоон цай нь полифенол хэмээх антиоксидант ихээр агуулдаг бөгөөд чихрийн шижин, инсулины эсэргүүцэл, үрэвсэл, зүрхний өвчинг эсэргүүцдэг. Мөн полифенол нь таны арьсны үндсэн уураг болох коллагеныг хамгаалахад тусална. Энэ нь хөгшрөлтийн зарим шинж тэмдгийг бууруулдаг. Судалгаагаар наранд гэмтсэн арьстай эмэгтэйчүүдэд 8 долоо хоногийн турш 

ногоон цайны тос, цэвэрлэгч хөөс, нэмэлт тэжээлээр эмчилгээ хийхэд арьсны уян хатан байдал илт сайжирсан байна.

3. Тослог загас

Тослог загас бол  хөгшрөлтийн эсрэг шилдэг хүнс юм. Үүнд агуулагдах урт гинжит омега-3 өөх тос нь зүрх судасны өвчин, үрэвсэл, шархлаат колит болон бусад өвчний эсрэг ач тустай. Тослог загасны хамгийн түгээмэл төрлийн нэг болох салмон загас нь нэмэлт бүрэлдэхүүн хэсэгтэй тул арьсыг залуу харагдуулдаг. 

4. Хар шоколад / какао

Хар шоколадны антиоксидант үйлчилгээ нь маш хүчтэй. Энэ нь нэрс, цангис жимснээс ч илүү гэдэг нь нотлогдсон юм.

Судалгаанаас үзэхэд цусны даралтыг бууруулж, инсулины мэдрэмжийг нэмэгдүүлж, артерийн үйл ажиллагаа, уян хатан чанарыг сайжруулж болно.

Шоколад нь флаванол хэмээх антиоксидант агуулдаг бөгөөд арьсыг нарнаас хамгаалах үйлчилгээтэй. Гэсэн хэдий ч флаванолын хэмжээ нь янз бүрийн төрлийн шоколадны хооронд мэдэгдэхүйц ялгаатай байдаг. Нэг судалгаагаар өндөр флаванолтой хар шоколад нь улаавтар болохоос өмнө хүмүүсийн наранд байх хугацааг хоёр дахин нэмэгдүүлсэн болохыг харуулсан. 

Какаоны агууламж өндөр байх тусам флаванолын агууламж өндөр байдаг тул дор хаяж 70% какаоны хатуу найрлагатай хар шоколадыг заавал сонгоорой.

5. Хүнсний ногоо

Хүнсний ногоо нь маш их тэжээллэг бөгөөд маш бага илчлэг байдаг. Эдгээр нь зүрх судасны өвчин, катаракт, хорт хавдрын эрсдэлийг бууруулахад тусалдаг антиоксидант агуулдаг. Олон төрлийн хүнсний ногоо бета каротин гэх мэт каротиноид ихээр агуулагддаг. 

Бета каротины хамгийн сайн эх үүсвэрүүдийн нэг бол лууван, хулуу, амтат төмс юм.

Мөн олон төрлийн хүнсний ногоо коллаген ялгаруулахад чухал ач холбогдолтой антиоксидант үйлчилгээтэй С аминдэмээр баялаг юм.

Нэг судалгаагаар хүмүүст 4 долоо хоногийн турш өдөр бүр 180 мг С аминдэм өгөхөд арьсны антиоксидант идэвх 37% -иар нэмэгдсэн байна. Витамин С-ийн хамгийн өндөр агууламжтай хүнсний ногоонд навчит ногоон, хонхны чинжүү, улаан лооль, брокколи орно. Японы судлаачид уян хатан байдал болон арьсны бусад чанарыг 700 гаруй  эмэгтэйд хэмжжээ. Уг судалгаагаар ногоон, шар өнгийн ногоо их иддэг хүмүүсийн үрчлээ багатай болохыг  тогтоожээ

6. Маалингын үр

Маалинга үр нь эрүүл мэндэд гайхалтай сайн нөлөө үзүүлдэг.Эдгээр нь холестеролыг бууруулж, цусан дахь сахарын хэмжээ, инсулины түвшинг бууруулдаг лигнан агуулдаг бөгөөд хөх, түрүү булчирхайн хорт хавдрын эрсдэлийг бууруулдаг.

Эдгээр нь ALA хэмээх омега-3 тосны хүчлийн гайхалтай эх үүсвэр бөгөөд таны арьсыг нарны цацраг туяанаас хамгаалж, нарнаас улбаатай арьсны гэмтлийг бууруулж болзошгүй юм. Судалгаагаар маалингын үр эсвэл маалингын тосыг 12 долоо хоногийн турш хэрэглэсэн эмэгтэйчүүдэд чийгшил сайжирч, арьсны толигор байдал ажиглагдсан

7. Анар

Анарт агуулагдах антиоксидант  нь ногоон цайнаас ч илүү өндөр байдаг. Үүнээс гадна анар жимсний янз бүрийн хэсгүүд эвдэрч гэмтсэн арьсыг засах, коллагены нийлэгжилтийг нэмэгдүүлэхэд хамтран ажиллах боломжтой гэж судлаачид зөвлөж байна.

8. Авокадо

Авокадо нь зүрхэнд ээлтэй өөх тос, эслэг, эрүүл мэндэд зайлшгүй шаардлагатай хэд хэдэн амин дэм, эрдэс бодисоор баялаг.Мөн уг ногоо нь polyhydroxylated fatty alcohol хэмээх өвөрмөц нэгдлүүдийг агуулдаг. Эдгээр нь үрэвслийг арилгах, арьсыг нарнаас хамгаалах, гэмтсэн ДНХ-г нөхөн сэргээхэд тусалдаг. Авакод агуулагдах ханаагүй өөх тос, лютеин ба зеаксантины антиоксидант агууламж өндөртэй тул арьс ба ДНХ-ийн нэмэлт хамгаалалт болдог.

9. Улаан лооль

Улаан лооль нь эрүүл мэндэд гайхалтай үр өгөөж өгдөг бөгөөд тэдгээрийн хэд нь ликопены өндөр агууламжтай холбоотой байдаг.Ликопен бол зүрх судасны өвчин, цус харвалт, түрүү булчирхайн хорт хавдрын эрсдэлийг бууруулдаг каротиноидын нэг төрөл юм Судалгаанаас харахад энэ нь таны арьсыг гэмтээж буй нарны туяанаас хамгаалж болзошгүйг харуулж байна.

Нэг судалгаагаар ликопен болон бусад ургамлын антиоксидант агуулсан холимог хоол идсэн эмэгтэйчүүдэд 15 долоо хоногийн дараа үрчлээний гүн хэмжигдэхүйц буурсан байна.

Эрүүл өөх тосоор улаан лоолийг чанаж болговол ликопены биед шингэх чадварыг ихээхэн нэмэгдүүлдэг.

10. Халуун ногоо

Халуун ногоо нь таны хоолонд амт нэмэхээс гадна их зүйлийг хийж өгдөг. 

Шанцай нь коллагены нийлэгжилтийг нэмэгдүүлдэг тул арьсны бат бөх, уян хатан чанарыг нэмэгдүүлдэг.

Харин  чинжүүнд агуулагддаг капсаицин нь арьсны эсэд тохиолддог насжилттай холбоотой зарим өөрчлөлтийг бууруулдаг.

Цагаан гаа нь гингерол агуулдаг. Энэхүү найрлага нь үрэвслийн эсрэг үр нөлөөтэй тул наранд хордож хөгшрөлтийн толбо үүсэхээс сэргийлж чаддаг

11. Ясны шөл

Ясны шөл сүүлийн үед эрүүл мэнддээ анхаардаг хүмүүсийн дунд маш их түгээмэл болсон.

Ясыг удаан чанах үед коллаген нь гликин, пролин, гидроксипролин амин хүчлээр баялаг желатин болж задардаг. Эдгээр амин хүчлийг хүний бие өөртөө шингээж аваад арьсанд шинэ коллаген үүсгэнэ.