Хатуу хөл хорионы хайр дурлалаа хуваалцах уу?
Өнөөдөр 2020 оны Арван хоёрдугаар сарын 7ны өдөр. Ковид 19-тэй танилцаад бүтэн нэг жил болжээ. Алдаг оног ажил, сургуульдаа яваад, амьдрал үргэлжилдгээрээ үргэлжилсээр ... Хэдүүлээ энэ жил ямар өөрчлөлтөд орсноо хуваалцах уу? Би ч яахав ажил, гэр, хүүхдүүд гэсээр байгаад ганц ч хүнтэй танилцсангүй, ганц ч болзоо хийсэнгүй оноо дуусгах шив. Харин миний найз ковидын ачаар хайр сэтгэлтэйгээ учирчээ. Маш завгүй ажлаас өөр зүйл мэддэггүй тэрэнд маань карантин жаахан ч гэсэн зав өгч, ууланд алхаж яваад өөртэйгөө ижилхэн их сургуулийн багштай учирчээ. Хоёул хичээлээ онлайнаар орчихдог тул бие биедээ зориулах цаг ихэсч, дотносох хугацаа ч маш их байсны ачаар 40 хүртлээ ганц бие явсан хүмүүс нэг гэрт орчихсон шүү. Энэ хоёрын хувьд Корона вирус ач тусаа өгчээ.
Тэгвэл бас нэгэн өөр түүх. Коронагаас өмнө тиндерээр танилцсан хосууд. Залуу Америкт ажилладаг, охин Хятадад сурдаг. Тэд энэ зун Монголдоо уулзаж, ирээдүйгээ маш гэгээлгээр ярин танилцсандаа үнэхээр баярладаг байж. Уулзах мөч нь хором хормоор ойртох бүрт баярлан догдолцгоож байтал “Hi I am Covid-19, lock down ha ha ha” . Тэд уулзаж чадсангүй. Бүсгүй Монголд ирсэн тул найз нөхөдтэйгөө уулзаж, ажил төрөлд орж, өмнөх шигээ чатлах завгүй боллоо. Харин залуу хардаж, сэрдэж, хүлээсээр залхсан даа, бүгдийг дуусгахаар шийдэв. Ингээд л уулзаж чадалгүй саллаа даа хэмээн Америкт ажилладаг найз минь яриад энэ өвчиний үеэр хосуудын харилцаанд ямар өөрчлөлт гарав, юу болсноо хуваалцаач гэсэн юм. Юу болсон талаараа сэтгэгдэл хэсэг дээр үлдээгээрэй
2 Сэтгэгдэлтэй
Зулаа
Jaagii