Хүүхэд бол таны толь
Хүүхэд бол таны толь Буруу эрхэлсэн хүүхэд бухын хүзүүнээс ч хатуу гэдэг үг байдаг. Хүүхдийг нялхаас нь л зөв үлгэр дууриалал үзүүлж, зааж сургах хэрэгтэй. Амьтан хамгийн удаандаа 1 жилийн дотор уураг тархи нь бүрэн хөгжин амьдрах чадвартай болдог бол хүний хувьд эхний 10 жилд тархи хэрхэн хөгжснөөс шалтгаалан насан туршдаа ямар хүн байх нь шийдэгддэг. Нэгэн жишээ дурдахад: Хятадад архичин ээждээ хаягдсан охин 3 настайгаасаа 10 хүртлээ хашаандаа нохдын дунд амьдарч байсныг хүмүүс мэдээд үрчилж авсан юм. Гэтэл охин 18 хүртлээ хүмүүсийн дунд байсан ч арайхийн алхдаг, нохой харахаараа шууд хэвтээд тоглодог, сэтгэхүйн хөгжил нь 6 настай хүүхэдтэй ижил байжээ. Тэгэхээр эхний 10 жил хүүхдийг ямар орчинд өсгөж хүмүүжүүлнэ, яг түүн шигээ амьдарна аа гэсэн үг. Та хүүхэдтэйгээ чоно шиг хар яр хийж харьцдаг бол өтөл насандаа хонь шиг номхон хүүхэд мөрөөдөх ч эрхгүй. Эцэг эх ямар байна, үр хүүхэд үлгэр дууриалал нь юм.
2 Сэтгэгдэлтэй
Ernestclace
AndrewImmah